‘Su bizia!’ piztuko du San Juan gaua eta Deabru Beltzak konpainiaren 30. urteurrena ospatzeko
Urtero bezala, ekainaren 23koa gau berezia izango da Mungian, San Juan gaua ospatuko baita. Horregatik, Udalak ‘Su bizia!’ izeneko ekimena prestatu du, lau indar sinbolikoa goraipatzeko. Gainera, Deabru Beltzak konpainiaren 30. urteurrena ospatuko da.
Mungiako Udalak eta Deabru Beltzak konpainiak antolatutako ekimena Bizkaiko Foru Aldundiaren eta Eusko Jaurlaritzaren laguntzarekin egingo da. Helburua ez da San Juan gauaren inguruko egitarau bat eskaintzea soilik, Mungia kultura sorkuntzaren, tradizio berrituaren eta kale arteen erreferentziazko gune bihurtzea baizik.
‘Su bizia!’ izenak berak jasotzen du ekimenaren espiritua: sua ez da elementu ikusgarri hutsa izango, komunitatea biltzeko, herria aktibatzeko eta tradizioa gaur egungo sormenetik berrirakurtzeko tresna sinbolikoa. Gau berezi horretan, Udako solstizioaren eta San Juan gauaren iruditeria kale arteekin, musikarekin, dantzarekin, bertsoarekin eta pirotekniarekin uztartuko da.
Mungiako alkateak, Alaitz Erkorekak, nabarmendu duenez, ekimenak herria jartzen du ospakizunaren erdigunean: “Ekainaren 23an Mungiak sua piztuko du, baina batez ere herria piztuko du:” kalean, elkarrekin eta kulturaren bidez. ‘Su bizia!’ herritarrentzat eta herritarrekin pentsatutako ospakizuna da, San Juan gauaren tradizioa gaur egungo kultur sorkuntzarekin lotuko duena.
Bizkaiko Foru Aldundiko Kultura diputatuak, Leixuri Arrizabalagak, proiektuaren balio kulturala eta lurralde ikuspegia azpimarratu ditu: “Kale arteek kultura herritarrengana modu zuzenean eramateko gaitasun handia dute.” ‘Su bizia!’ proiektuak, kultura ez dela soilik programazioa, baizik eta lurraldea aktibatzeko, komunitatea biltzeko eta sorkuntza garaikidea espazio publikora eramateko tresna indartsua da.
Deabru Beltzak konpainiaren zuzendaria, Garbitxu, urteurrenaren dimentsio artistikoa jartzen du erdigunean: “30 urte betetzea ez da atzera begiratzeko unea bakarrik; berriro kalea hartzeko eta jendearekin batera ospatzeko aukera da.” ‘Su bizia!’ ospakizun berezia izango da, akelarrea, kalea, musika, piroteknia eta herritarren energia elkartuko dituen gaua.
Deabru Beltzak-en 30 urteko sugarra
‘Su bizia!’-k esanahi berezia izango du Deabru Beltzak konpainiaren 30 urteko ibilbideari. Bilboko konpainiak San Juan gauean ospatuko du, kalea bere espazio natural gisa aldarrikatuz. Hiru hamarkadatan zehar, Deabru Beltzakek sua, erritmoa, mugimendua, piroteknia eta kale antzerkiaren indarra erabili ditu publikoarekin harreman zuzena sortzeko. Oraingoan, urteurrena herriarekin eta herritarren aurrean ospatuko du, ‘Akelarre’-aren unibertsoarekin lotutako proposamen berezi batekin.
Ikuskizun nagusian, Deabru Beltzakez gain, Mungiako Udal dantza eskolaren eta Taket Mungiako Bertso Eskolaren partehartzea ere izango da, eta musika, piroteknia, akerraren pizte magikoa eta bertso bidezko agurra uztartuko ditu.